Abdixhiku reagon për 500 mijë eurot e shpenzuara për Paravësi: Pa marre, publikisht, pa brengë

Deputeti i LDK-së, Lumir Abdixhiku ka reaguar rreth shpenzimeve që shteti ka bërë për shënimin e 11 vjetorit të Pavarësisë.

Ai ka thënë se plot 2540 kosovarë duhet të punojnë një vit rresht, nga mëngjesi deri në mbrëmje pa pushim e me kompenzim minimal për mbijetesë, për t’i ndarë nga pagat e tyre 500,000 euro tatim për shtet, shkruan Gazeta Alo.

Sipas tij, shteti i tyre, në i thënshin ashtu, i shpërndanë këto 500,000 euro lehtësisht në mashtrim.

Postimi i tij i plotë:

Plot 2540 kosovarë duhet të punojnë një vit rresht, nga mëngjesi deri në mbrëmje pa pushim e me kompenzim minimal për mbijetesë, për t’i ndarë nga pagat e tyre 500,000 euro tatim për shtet.

E shteti?

Shteti i tyre, në i thënshin ashtu, i shpërndanë këto 500,000 euro lehtësisht në mashtrim. Dhe atë në festim të pavarësisë. Paguan dhjetëfish më lirë e faturon dhjetëfish më shtrenjtë. Mashtron në lapsa e emblema pavarësie, në parakalim të ushtrisë e në flamur të Republikës. Mashtron në vet deklaratën e pavarësisë – 27,000 euro për shtatë kopje të saj.

Pa marre, publikisht, pa brengë./Gazeta Alo/