Fjalë Kyçe

Gjuriq kundër Quintit: Do të vazhdojmë të ndjekim interesat tona

Drejtori i të ashtuquajturës Zyrë për Kosovën Marko Gjuriq ka reaguar pas deklaratës së vendeve të Quintit, të cilat kanë kërkuar vazhdimin e dialogut ndërmjet Kosovës dhe Serbisë, duke thënë se kjo e fundit do të vazhdojë të ndjekë interesat e veta.

Ai theksoi se ‘ata që shkelin marrëveshjen e CEFTA-s dhe ata që mbrojnë veten kundër anëtarësimit të paligjshëm nuk mund të trajtohen në mënyrë të barabartë në organizatat ndërkombëtare’.

“Nuk mund të ketë një akt balancimi artificial, pasi nuk është e njëjtë kur dikush  mbron veten kundër anëtarësimit të paligjshëm në organizatat ndërkombëtare dhe kur dikush shkel marrëveshjen e CEFTA-s dhe traktatet ndërkombëtare”, tha Gjuriq në një konferencë të jashtëzakonshme për shtyp.

Gjuriq tha se është gjithashtu e diskutueshme për Serbinë që deklarata tregon qartë se çfarë dëshiron rezultati i vendeve të Quint-it dhe çfarë rezultati do të synojë dhe çfarë presioni do të ushtrojë.

Vendet e Quintit sot i bënë thirrje Prishtinës dhe Beogradit që të rifillojnë sa më shpejt dialogun dhe theksuan se Prishtina duhet të heqë tarifat dhe Beogradi të pezullojë fushatën e tij për të tërhequr njohjen e pavarësisë së Kosovës.