Fjalë Kyçe

Pse VV nuk po heq dorë nga kryeparlamentari? Flet Murati

Pse VV nuk po heq dorë nga kryeparlamentari? Flet Murati

Deputeti i Kuvendit të Kosovës nga radhët e Lëvizjes Vetëvendosje, Hekuran Murati, ka treguar pse partia e tij nuk po heq dorë nga kryeparlamentari.

Deputeti i VV-së, Hekuran Murati, ka traguar në T7 se pse Glauk Konjufca nuk largohet nga posti i kryeparlamentarit, për të plotësuar një kusht të LDK’së për të lidhur koalicion.

Sipas tij, problemi nuk qëndron tek fakti se LDK po kërkon kryeparlamentarin, por që ata po kërkojnë edhe postin e presidentit domosdo.

“Po e them këtë, dhe po i citoj fjalët e atyre, ‘ose e marrim postin e presidentit ose shkojmë në opozitë”, thotë Murati.

Tutje ai thotë se LDK vetë e votoi Konjufcën në pozitën e kryetarit të Kuvendit.

“VV asnjëherë nuk ka pretenduar postin e presidentit”, shton ai.

“Presidentin nuk kemi dashur ta fusim në koalicion. Këtë e ka pranuar edhe LDK-ja”

LDK ka kërkuar që të i kthehet posti i kryeparlamentarit, që i ishte premtuar nga VV-ja nëse arrihet marrëveshja, dhe të mbajë atë një vit deri në kohën kur zgjedhjet presidenti.