Zbulohet fosili i peshkut gjigant parahistorik me dhëmbë rrethorë – foto

Një fosil i rrallë i një spiraleje e një peshku-monstrum të përbërë nga dhëmbë të ngjashëm me sharrën elektrike është gjetur në Rusi.

Helicoprioni i frikshëm ishte një paraardhës i zhdukur i peshkaqenit ose peshqve të ditëve moderne me një grup mbresëlënës të specieve që jetuan miliona vjet para dinozaurëve.

Zbuluar në një minierë të hapur të qymyrit në Volgograd, në jug të Rusisë, fosilet e peshkut tregon një arsenal të fosilizuar të dhëmbëve të vrasjeve radiale.

Rreth 270 milionë vjet më parë Helicoprioni ishte grabitqari më i madh në Tokë, sipas profesorit amerikan Leif Tapanila.

Profesori Igor Novikov nga Instituti Paleontologjik i Moskës, tha se kjo specie është ‘një nga më misteriozet të epokës së vonë Paleozoike’.

“Ka një seri dhëmbësh të mprehtë me një rrënjë të zakonshme spirale të mbështjellë me dhjetëra dhëmbë. Dhëmbët ishin të mprehtë dhe kur mbyllte nofullat, ata ktheheshin përpara, gjë që lejonte peshkun të ndërvepronte në mënyrë efektive me sipërfaqen e gjahut,” tha ai.

Ashtu si 96 për qind e specieve në kohën kur Helicopironi mendohet të ketë rënë viktimë e zhdukjes masive, më e madhja në historinë e botës, që e solli në fund epokën e Permianit rreth 252 milionë vjet më parë.

Peshku u përshkrua për herë të parë nga shkencëtari rus Alexander Karpinsky në vitin 1899 nga një fosil i zbuluar afër Krasnoufimsk.