Klopp nuk lejoi transferimin tek Roma: Shaqiri është një lojtar i rëndësishëm për ne

Jurgen Klopp ka bërë të ditur edhe një herë se nuk do të lejojë largimin e Xherdan Shaqirit në këtë afat kalimtar nga Liverpooli.

“The Reds” janë të famshëm për metodën e transferimeve me ‘komitet’ por gjermani Jurgen Klopp ka të drejtën e vetos brenda kryesisë së kampionit europian.

Trajneri gjerman e vlerëson lartë sulmuesin shqiptar edhe pse ai nuk po luanë shumë te The Reds. Klopp ka thënë se 28-vjeçari është pjesë e planeve të tij dhe nuk dëshiron ta largojë atë në këtë afat.

“Kemi pasur prioritet të tjera në dhjetor dhe në janar, pasi në bankën rezervë kishim edhe lojtarë të rinj”, ka thënë ai.

“Kemi shumë konkurrencë në skuadër dhe kjo është e mirë. Shaq (Xherdan Shaqiri) e di mendimin tim për të dhe nuk ka asgjë personale”.

“Ne kemi biseduar disa herë sy më sy dhe ai është në dijeni për situatën. Ai e di se duhet të stërvitet më shumë dhe të zhvillohet më shumë. Është një djalë fantastik”, ka shtuar më tej Klopp.

Roma e kishte bërë prioritet transferimin e Shaqirit, mirëpo Klopp kërkoi nga Liverpooli që t’i refuzonte të gjitha ofertat për të.